Har shama bujhi rafta rafta,
Har khwaab luta dheeray dheeray
Sheesha na sahi pathar bhi na tha dil,
Toot gaya dheeray dheeray
Barson main marasim bantay hain,
Lamhon main bhala kia tootainge
Tu mujhse bicharna chahye toh,
Deewar utha dheeray dheeray
Ehsaas hua barbaadi ka jab,
Saray ghar main dhool urri
Aaye hai hamaray ghar main,
Pathjhar ki hawa dheeray dheeray
Woh haath paraaye ho bhi gaye,
Ab duur ka rishta hai "Qaiser"
Aati hai meri tanhayee main,
Khushboo-e-Hina dheeray dheeray
No comments:
Post a Comment